عدد الرسائل : 15 العمر : 34 الموقع : / العمل/الترفيه : // المزاج : ///// نقاط : 39 تاريخ التسجيل : 12/09/2009
موضوع: اللي باغي الخير يتفضل الجمعة 23 يوليو 2010, 14:39
السلام عليكم ورحمة الله الى كل اعضاء منتدانا الغالي.....
خواتي وخواتاتي...كبير وصغير ..العام فيه 12 شهر؟؟؟الهجري ولا الميلادي كيف كيف...ورانا قراب بزاف للشهر الكريم..اللهم بلغنا رمضان.. شحال من شهر واحنا نلهو ونضيع أوقات الفراغ في صوالح ما ينفعوناش....
وكيجي رمضان تلقى لما صلى يصلي ولما قرا القران يقرى...بصح كيفوت رمضان ..والو................ صح كيفاه يصرا لنا هكذا؟؟؟؟
خاطرش ما نوجدوش رواحنا للشهر الكريم الي نزل فيه القرآن وفيه ليلة خير من ألف شهر.... لراه باغي الخير يبدا من الآن.... ياباغي الخير اقبل...
أولا تعويد النفس على الصوم
كيما تعرفوا غادي نصوموا فالسخانة يعني الصمايم كيما نقولو... وهذا مشي ساهل للي ماشي موالف الصوم الا من رمضان لمضان... ابداو ولو الاثنين والخميس...
ثانيا الصلاة والتراويح كذلك ماشي ساهلة للمشي موالف....
صل ولو ركعتين طويلتين بعد صلاة العشاء...وماتقولش مشي حافظ كاين علماء جوزوا القراءة من المصحف...
وزيد..الرسول صلى الله عليه وسلم كان كريم جدا في رمضان كان كالريح المرسلة....
صح مانقولكشش غادي تكون كيفه بصح على الأقل الواحد يعود نفسه الصدقة على من يستحقها ... ولماعندهش ربي راه يشوف... ولي قاطع الرحم نتاعه اي عمه ..خاله ...عمته...الخ حتى متى تبقى مقاطع؟؟؟ هذي الدنيا فانية وربي راه يشوف ..ادفع بالتي هي أحسن.. وجزاءك عند الخالق.. اما من قطعك وظلمك خليه ..وصالحه في وجه الله...
راني نكتب هذ الكلمات باش نذكر روحي ونذكر الناس لنحبهم ونحب لهم الخير وربي يعلم بما في الصدور.. ولعنده نصيحة أخرى ممكن يوجهها لنا والله المستعان... تقبلوا نصائح اختكم في الله.
موضوع: اللي باغي الخير يتفضل 
الجمعة 23 يوليو 2010, 14:39
